निःशुल्क स्वास्थ्य सिविर सम्पन्न

चरिकोटः दोलखाको उत्तरी क्षेत्र सिंगटी बजारमा एक दिने निःशुल्क स्वास्थ्य सिविर सम्पन्न भएको छ । नेपाल प्रहरी  श्रीमत संघ, काठमाडौको आयोजनामा बुधवार  सिविर सम्पन्न भएको हो । 
नेपाल प्रहरी अस्पताल महाराजगंज तथा च्छोरोल्पा जनरल अस्पतालको प्राविधिक सहयोगमा विगु गाउँपालिकाको सिंगटी स्थित भैरवेश्वर मन्दिर प्राङ्गणमा एक दिने निःशुल्क स्वास्थ्य शिविर सम्पन्न भएको जिल्ला प्रहरी कार्यालय दोलखाले जानकारी दिएको छ । स्वास्थ्य शिविर कार्यक्रमको उद्घाटन विगु गाउँपालिकाका अध्यक्ष सञ्जिव ओलीको अध्यक्षता तथा नेपाल प्रहरी श्रीमती संघका केन्द्रिय अध्यक्ष श्री लक्ष्मी कुँवर को प्रमुख आतिथ्यतामा सम्पन्न भएको थियो ।  निःशुल्क स्वास्थ्य शिविरमा भीमेश्वर नगरपालिका, विगु गाउँपालिका तथा गौरिशंकर गाउँपालिकाका तीनसय भन्दा बढीले सेवा लिएको  आयोजकको भनाई रहेको छ ।