हालसम्म बाढीपहिरोबाट २१७ जनाको मृत्यु

१५ असोज, काठमाडौं - बाढी पहिरो र डुबानका कारण अहिलेसम्म २१७ जनाको मृत्यु भएको छ भने २८ जना बेपत्ता छन् ।

काठमाडौंमा १७, सिन्धुपाल्चोकमा १०,  मकवानपुर र दोलखामा ७/७ जनाको मृत्यु भएको छ । धादिङ र ललितपुरमा ३९/३९ जनाले ज्यान गुमाएका छन् ।  बागमती प्रदेशका १३ वटा जिल्लामा १९२ जनाको मृत्यु भएको छ । ललितपुरमा ११ जना अझै बेपत्ता छन् । पाँचथरमा ६ जनाको मृत्यु भएको छ । भक्तपुर,सोलुखुम्बुमा ५/५, झापा, धनकुटा, महोत्तरी, सिन्धुली र रौतहटमा २/२ तथा सप्तरी, उदयपुर, रामेछाप र इलाममा १/१ जनाको मृत्यु भएको छ । 

पृथ्वी राजमार्गअन्तर्गत धादिङको धुनिबेंसी-९, झ्याप्ले खोला खण्डमा मात्र पहिरोले बस र माइक्रोबस पुर्दा ३५ जनाको मृत्यु भएको छ । घाइते भएका १४३ जनाको विभिन्न अस्पतालमा उपचार भइरहेको छ ।