२८.९२ अंकले घट्यो नेप्से, एक अर्ब १५ करोडकाे काराेबार

काठमाडौं । साताको अन्तिम कारोबार दिन बिहीबार नेप्से घटेको छ । आज नेप्से परिसूचक २८.९२ अंकले घटेर १९ सय ३२.४५ बिन्दुमा कायम भएको छ ।

 

बिहीबार नेप्सेमा दुई सय ७६ वटा कम्पनीको ३२ हजार एक सय ३९ पटकको कारोबारमा ३७ लाख ६९ हजार ३३ कित्ता सेयर खरिद-बिक्री भएकोमा कुल कारोबार रकम एक अर्ब १५ करोड नौ लाख २० हजार ६ सय सात रुपैयाँ ६० पैसा पुगेको छ ।

 

नेप्सेमा आज १३ वटा समूहको सेयर कारोबार भएकोमा सबै समूहको सेयर घटेर नेप्से रातै भएको छ । सो मध्ये वाणिज्य बैंक समूहको सूचक १३.४९ अंकले घटेर १२ सय ३७.२७ अंकमा झरेको छ । विकास बैंक समूहको सूचक ४४.२५ अंकले घटेर तीन हजार ६ सय ४५.४५ अंकमा झरेको छ ।

 

फाइनान्स समूहको सूचक १९.३० अंकले घटेर १६ सय ३३.१९ अंकमा झरेको छ । जलबिद्युत समूहको सूचक ५०.३९ अंकले घटेर १९ सय ४३ दशमलव शुन्य चार अंकमा झरेको छ ।