कोरोना भाइरसविरुद्धको खोप अभियान पुनः सञ्चालन

काठमाडौं । जिल्ला स्वास्थ्य कार्यालय, काठमाडौंले कोरोना भाइरसविरुद्धको बुस्टर डोज धेरै मानिसहरुले लगाउन छुटेका कारण पुनः खोप अभियान सञ्चालन गर्ने भएको छ । कार्यालयले स्थानीय तहसँगको छलफलपछि यही भदौ २५ देखि ३० गतेसम्म खोप अभियान सञ्चालन गर्न लागिएको हो ।

 

यसअघि ‘बुस्टर डोज’ लगाउन छुटेकाले लगाउन बाँकी रहेकाले यही भदौ ५ देखि भदौ ११ गतेसम्म सञ्चालन गरिएको थियो । अहिले पनि अभियानका क्रममा खोप लगाउन छुटेका १२ वर्षदेखि माथिका सबैलाई पहिलो, दोस्रो मात्राको साथै पहिलो बुस्टर डोज र दोस्रो बुस्टर डोज लगाइनेछ ।

 

कार्यालय बुस्टर डोज लगाउन छुट भएकालाई वीर अस्पताल, त्रिवि शिक्षण अस्पताल, पाटन स्वास्थ्य विज्ञान प्रतिष्ठान, सशस्त्र प्रहरी अस्पताल, नेपाल प्रहरी अस्पताल लगायतका अस्पतालबाट खोप लगाउन आग्रह गरेको छ ।