४ असार २०८१, सोमवार

17th, June 2024, Monday

Aaawajonline.com
एसिया कप

एसिया कपमा आज भारत र पाकिस्तान विच खेल हुने

हिजोको खेलमा श्रीलंकाले बंगलादेशलाई हरायो

२४ भदौ २०८०, आइतवार आवाज संवाददाता
आवाज संवाददाता

२४ भदौ २०८०, आइतवार

भदौ २४-  एसिया कप क्रिकेटको सुपर फोरमा घरेलु टोली श्रीलंकाले बंगलादेशलाइ पराजित गरेको छ । श्रीलंकाको कोलम्बोमा भएको खेलमा श्रीलंकाले बंगलादेशलाई २१ रनले पराजित गरेको हो ।

श्रीलंकाले दिएको २ सय ५८ रनको लक्ष्य पछ्याएको बंगलादेश ११ बल बाँकी छँदै २ सय ३६ रनमा अल आउट भएको हो ।बंगलादेशका लागि तोहिद ह्रिदोइले सर्वाधिक ८२ रन बनाए । बलिङतर्फ श्रीलंकाका महीस थिकसीना, दासुन शनाका र महीशा पथिरानाले तीन तीन विकेट लिए ।

यसअघि पाकिस्तानसँग हारेको बंगलादेशको फाइनल पुग्ने सम्भावना कम भएको छ । श्रीलंकाले भने पहिलो खेल जितेर आफूलाई फाइनलका लागि दावेदार बनाएको छ । त्यसअघि टस हारेर पहिले ब्याटिङको निम्तो पाएको श्रीलंकाले ५० ओभरमा ९ विकेट गुमाएर २ सय ५७ रन बनाएको थियो । उसका लागि सदीरा समरविक्रमाले सर्वाधिक ९३ रन बनाए र कुलश मेन्डिसले ५० रन बनाए । बलिङतर्फ बंगलादेशका तस्कीन अहमद र हसन महम्मदले तीन तीन विकेट लिए ।

सबै टोलीले एक अर्कासँग खेलेपछि शीर्ष दुई टोली फाइनलमा पुग्नेछन् । एसिया कपमा सहभागी नेपाल र अफगानिस्तान भने समूह चरणबाटै बाहिरिएका थिए ।

यसैविच एसिया कप क्रिकेटको सुपर फोरमा आज आइतबार भारत र पाकिस्तान खेल्दैछन् । दुई देशबीचको खेल कोलम्बोको आर प्रेमदासा स्टेडियममा नेपाली समय अनुसार दिउँसो सवा ३ बजे शुरु हुनेछ ।