स्थानीय तहका कर्मचारी र सरकारबीच सहमति, आन्दोलन फिर्ता

काठमाडौं । १९ बुँदे मागसहित दुई सातादेखि आन्दोलनरत स्थानीय तहका कर्मचारी र सरकारबीच सहमति भएको छ ।

 

संघीय मामिला मन्त्रालयका सहसचिव कमलप्रसाद भट्टराई र संघर्ष समितिका संयोजक दीपक गौतमलगायतले  सहमति पत्रमा  हस्ताक्षर गरेसँगै आन्दोलन पनि फिर्ता भएको हो ।  संघीय निजामती विधेयकमा आफूहरूलाई विभेद गरेको भन्दै स्थानीय तहका कर्मचारी आन्दोलित थिए ।

 

ऐनमा संघ प्रदेश संघ, प्रदेश र स्थानीय तहका कर्मचारीहरूको सेवा र सर्तका विषयमा न्यूनतम मापदण्ड तय गर्ने, स्थानीय सेवाका स्थायी कर्मचारीहरूलाई निजामती कर्मचारीका रूपमा परिभाषित गर्ने व्यवस्थाका लागि प्रदेश कानुन निर्माणताका पहल गर्ने जस्ता   सहमति भएको छ ।