आश्रित बालबालिकालाई न्यानो लुगा वितरण

दोलखा, माघ २०
जिल्ला विपद् व्यवस्थापन कोष दोलखाले सदरमुकाम चरिकाटका विभिन्न ठाउँमा आश्रय लिई बसेका बालबालिकाहरुलाई न्यानो कपडा वितरण गरेको छ ।
चरिकोटमा जाडो बढ्दै गएसँगै कोषले गौरीशंकर बालगृह र आवाज नेपालमा आश्रय लिई बसेका ५१ जना बालबालिकाहरुलाई ब्लाङ्केट वितरण गरेको हो ।
कोषका तर्फबाट प्रमुख जिल्ला अधिकारी रमेशप्रसाद शिवाकोटी र जिल्ला समन्वय प्रमुख डबल पाण्डेले हिजो गौरीशंकर बालगृहका ३१ जना बालबालिकाहरुलाई जनही ब्लाङ्केट वितरण गरेका हुन् ।
त्यसैगरी आज आवाज नेपालमा आश्रित २० जना बालबालिकाहरुलाई जिल्ला समन्वय प्रमुख डबल पाण्डे र प्रमुख जिल्ला अधिकारी रमेश प्रसाद शिवाकोटीले न्यानो कपडा, ब्लाङ्केट वितरण गरेका हुन् ।
आश्रित बालबालिकाहरुको आवश्यकताका आधारमा उनीहरुलाई न्यानो लुगा वितरण गरिएको प्रमुख जिल्ला अधिकारी रमेशप्रसाद शिवाकोटीले जानकारी दिए ।