चरिकोटका तिनसय ल्यान्ड लाईन टेलिफोन अवरुद्ध

आवाज सम्बाददाता
असार,२२, चरिकोट

भीमेश्वर नगरको सातडोबाटे चोकमा सोमबार बेलुका पहिरो जाँदा सातडोवाटो नयाँ बसपार्क, चरिध्याङ लगायतका क्षेत्रको तिनसय ल्यान्ड लाइन फोन अवरुद्ध भएको छ । नगरपालिकाको ब्यावसायीक भवन निर्माण भइरहेको स्थानमा पहिरो जाँदा पहिरोले टेलिफोन क्याविनेट बगाउँदा ल्यान्डलाईन फोन अवरुद्ध भएको हो । सो क्षेत्रको एडिएसएल इन्टरनेट सेवा पनि अवरुद्ध भएको नेपाल टेलिकम दोलखा शाखाले बताएको छ ।

पहिरोको कारण सातडोवाटोमा रहेको प्रतिक्षालय समेत बगेको छ । अवरुद्ध भएको टेलिफोन सेवा सुचारु गर्न काम भइरहेको नेपाल टेलिकम दोलखाका प्रमुख राजु गिरीले बताए । मंगलवार साँझ सम्म पनि कार्यालय प्रमुख गिरी सहित टेलिकमका प्राविधिकहरु खटिइरहेका थिए ।

नगरपालिका को ब्यावसायिक भवन निर्माणका क्रममा माटो कटिङ गरिएपछि ज्यादै ठूलो कान्लो बनेका कारण पहिरो गएको स्थानीयहरुको भनाई छ ।