नेपाल–चाइना ट्रेड एसोशियसनद्वारा दोलखा प्रहरीलाई विपत प्रतिकार्यकालागि समग्री हस्तान्तरण

आवाज सम्बाददाता
असार,२३,चरिकोट
नेपाल –चाइना ट्रेड एण्ड इन्डष्ट्रियल एशोसिएसनले दोलखा प्रहरीलाई विपत प्रतिकार्यका लागि आवश्यक विभिन्न सामग्रीहरु हस्तान्तरण गरेको छ । एशोसिएसनले बुधबार विपत प्रतिकार्य तथा व्यवस्थापनका लागि आवश्यक सामग्रीहरु हस्तान्तरण गरेको हो ।
हस्तान्तरित सामग्रीहरुमा लाइफ ज्याकेट, ट्रेकिङ ब्याग, रेनकोट, गमबुट, कोदालो, करौती, त्रिपाल, डोरी लगायतका सामग्रीहरु रहेका छन् ।
एशोसियसनकी अध्यक्ष अन्जु पौडेलले दोलखा जिल्लामा यस वर्ष हालसम्म विपत आइनहालेको भएतापनिी विपत आइहालेमा त्यसको व्यवस्थापनका लागि पूर्वतयारी स्वरुप सामग्री दिइएको बताइन । करिब दश लाख रुपैयाँ बराबरको सामग्री हस्तान्तरण गरिएको नेपाल – चाइना ट्रेड एण्ड इन्डष्ट्रियल एशोसिएसन लेबताएको छ । चीनमा कार्यरत नेपाली व्यवसायीहरुको सहयोग मा ति समग्री उपलब्ध गराइएको एसोसियसनको भनाई छ ।