संसद बैठक छठसम्म स्थगित, महाअभियोग प्रस्ताव सिफारिस समितिमै गएन

 आवाज संवाददाता     ९ कार्तिक २०७३, मंगलवार

९ कात्तिक, काठमाडौं । व्यवस्थापिका संसदको बैठक अख्तियार प्रमुख लोकमान सिंह कार्कीविरुद्धको महाअभियोग प्रस्ताव सिफारिस समितिमा नपठाई छठसम्मका लागि स्थगित भएको छ ।

संसदको मंगलबारको बैठकमा कार्कीविरुद्ध दर्ता भएको महाअभियोग प्रस्तावमाथि छलफल सुरु भएको थियो । तर, बैठक झण्डै २ घन्टा मात्र चल्यो र सांसदहरुले बोल्ने क्रम नसकिएको भन्दै महाअभियोग प्रस्ताव सिफारिस समितिमा पठाइएन ।

साथै सभामुख ओनसरी घर्तीले संसद बैठक अब तिहार र छठपछि २५ गते बस्ने गरी स्थगित गरेकी छन् । जबकी तिहारको सार्बजनिक विदा सुरु हुन अझै चार दिन बाँकी छ ।

अनलाइनखबरबाट

फेसबुक मार्फत कमेन्ट गर्नुहोस् ।