यी हुन् कालोधन राख्ने विश्वका मुख्य १० देश

 आवाज संवाददाता     ३ मंसिर २०७३, शुक्रबार

 

काठमाण्डौ । भारतले १ हजार र ५ सय भारुको पुरानो नोटमाथि प्रतिबन्ध लगाएसँगै अहिले विश्वभरि कालोधनको चर्चा भइरहेको छ । भारतीय प्रधानमन्त्री नरेन्द्र मोदीले लुकाइएको कालोधन निकाल्ने जुक्तिको रुपमा यो जोखिमपूर्ण कदम उठाएको भनिए पनि भारतभित्रै प्रमुख विपक्षी लगायतका दलहरुले यसको कडा स्वरमा विरोध गरिरहेका छन् । तर, भारत सरकारले यो निर्णयबाट आम मानिससँगै देशकै अर्थतन्त्र पनि लाभान्वित हुने दाबी गर्दै आइरहेको छ । अमेरिकाको वासिङ्टनस्थित थिङ्कट्याङ्क ग्लोबल फाइनान्सियल इन्टेग्रिटी(जिएफआई)का अनुसार कालोधन राख्ने देशको सूचिमा भारत भने विश्वको ८ औं नम्बरमा पर्छ ।

विश्वमा कयौं देश यस्ता छन्, जहाँ कालोधन राख्दा कुनै पनि कारबाही हुँदैन । यी देशमा नेपाल लगायत धेरै देशको कालोधन सुरक्षित ढंगले राखिएको बेला–बेला चर्चा हुने गरेको छ । नेपालका पनि धेरै व्यापारी र धनाढ्यले स्वीस बैंकमा कालोधन थुपारेको कहिलेकाही चर्चा हुने गर्छ ।

आउनुहोस्, विश्वका कालोधन राख्ने टप १० देशलाई चिनौं :

अमेरिका 

अमेरिका कालोधन राख्ने देशको सूचिमा नम्बर एकमा पर्छ । यो देशमा ६७ लाख करोड रुपैयाँ भन्दा बढी कालोधन रहेको छ ।

चीन


कालोधन राख्ने देशको सूचिमा चीन दोश्रो नम्बरमा पर्छ । यो देशमा २८ लाख करोड कालोधन रहेको छ ।

मेक्सिको

सबैभन्दा धेरै कालोधन राख्ने देशमा मेक्सिको तेश्रो नम्बरमा पर्छ । यहाँ १३.३६  लाख करोड रुपैयाँ कालोधन रहेको छ ।

स्पेन

कालोधन थुपार्ने मुख्य टप देशको सूचिमा स्पेन चौथो नम्बरमा परेको छ । यहाँ १३.२६ लाख करोड रुपैयाँ कालोधन रहेको छ ।

इटली

कालोधन राख्ने देशको सूचिमा इटली पाँचौ नम्बरमा छ । यहाँ ११.७९ लाख करोड रुपैयाँ कालोधन रहेको अध्ययनमा देखाएको छ ।

जापान

कालोधन राख्ने देशको सूचिमा जापान छैठौं नम्बरमा छ । यहाँ ११.७६ लाख करोड रुपैयाँ कालोधन रहेको छ ।

क्यानडा

क्यानडा कालोधन थुपार्ने देशको सूचिमा सातौं नम्बरमा छ । यहाँ ८.१७ लाख करोड रुपैयाँ कालोधन रहेको छ ।

भारत

भारत कालोधन राख्ने देशको सूचिमा ८ औं नम्बरमा पर्छ । यहाँ ७.५८ लाख करोड रुपैयाँ कालोधन रहेको छ ।

ब्रिटेन

ब्रिटेन कालोधन राख्ने देशको सूचिमा ९ औं स्थानमा छ । यहाँ ६.४ लाख करोड रुपैयाँ कालोधन रहेको बताइएको छ ।

रसिया

रसिया यो सूचिमा १० औं नम्बरमा छ । यो देशमा ५.१० लाख करोड रुपैयाँ कालोधन रहेको सो रिपोर्टमा उल्लेख छ ।

sorce bizshala

 

फेसबुक मार्फत कमेन्ट गर्नुहोस् ।