मतपत्र जनक शिक्षामा नै छापिने, छापाखाना चालु अवस्थामा राख्न निर्देशन

 आवाज संवाददाता     ११ फाल्गुन २०७३, बुधबार

११ फागुन, काठमाडौं । निर्वाचन आयोगले स्थानीय चुनावको मतपत्र जनकशिक्षा सामाग्री केन्द्रमा नै गर्ने भएको छ ।

वैशाख ३१ मा स्थानीय चुनाव गर्ने तय भएको छ र, आयोगले बुधबार उम्मेदवारी दर्तासहित निर्वाचन तालिका सार्वजनिक गरेको छ ।

आयोगले बुधबार मतपत्र छपाईबारे जनक शिक्षा सामग्री केन्द्रका अधिकारीहरुसँग छलफल गरेको थियो । बैठकमा जनक शिक्षाले मतपत्र छपाई गर्न सक्ने बताएको आयोगका सचिव गोपी मैनालीले जानकारी दिए ।

लगत्तै निर्वाचन आयोगले मतपत्र लगायतका छपाइका काम गर्न जनक शिक्षा सामग्री केन्द्रलाई जिम्मा दिने बताएको छ ।

र, निर्वाचन सम्बन्धी मुद्रण कार्यलाई सरकारी वा सरकारी स्वामित्वमा रहेका छापाखानाले प्राथमिकता दिने व्यवस्था मिलाउन सरकारलाई भनेको छ ।

आयोगले सरकारलाई भनेको छ, ‘जनशिक्षा केन्द्रको छापाखानाको मर्मत सम्भार गर्नु पर्ने भए शीघ्र मर्मत समेत गरी चालु अवस्थामा राख्नू ।’

अनलाइनखबरबाट

फेसबुक मार्फत कमेन्ट गर्नुहोस् ।



CDF