भीमेश्वरका मेयरले गरे मिलिजुलीको चर्पी सिल्यान्यास

 आवाज संवाददाता     ८ भाद्र २०७४, बिहीबार

दोलखा, ७ साउन
मिलिजुली बचत तथा ऋण सहकारी संस्था लिमिटेडले सदरमुकाम चरिकोटस्थित कोटीहोम यज्ञस्थलमा सार्वजनिक शौचालय निर्माण गर्ने भएको छ । चर्पी निर्माणको भीमेश्वर नगरपालिकाका मेयर भरत केसीले सिल्यानयास गरेका छन् ।
पूँजी र सदस्य संख्याको आधारमा जिल्लाकै ठूलोमध्ये पर्ने मिलिजुली साकोसले आफ्नो २५ औं स्थापना दिवसको अवसरमा सदरमुकाम चरिकोटस्थित कोटीहोम यज्ञस्थलमा सार्वजनिक शौचालय निर्माण गर्ने भएको हो । २५ औं स्थापना दिवस र रजत जयन्ती बर्षको अवसरमा बुधबार एक समारोहको आयोजना गरी मिलिजुली साकोसले चर्पी सिलान्यास गराएको हो ।
२ कोठा क्षमताको शौचालयको लागि डेढलाखभन्दा बढि खर्च गरिने स्टिमेट रहेको सहकारीका प्रवन्धक इश्वर न्यौपानेले जानकारी दिए । मिलिजुली साकोसका अध्यक्ष नारायणबहादुर श्रेष्ठको अध्यक्षतामा आयोजित समारोहलाई सम्वोधन गर्दै मेयर केसीले जिल्लामा रहेका हरेक सहकारीहरुले एक एक ओटा सामाजिक कार्य गर्ने हो भने पनि विकास निर्माण सम्वन्धि धेरै कामहरु हुने धारणा व्यक्त गरेका थिए । कार्यक्रमका जिल्ला सहकारी संघ दोलखाका अध्यक्ष हेमन्त चौलागाईंले सहकारीहरुमार्फत सामाजिक कार्यहरु गरिने प्रचलन बढेकोले हरेक सहकारीले आफ्नो हैसियत अनुसार सामाजिक कार्य गर्दा सबैलाई भलो हुने बताए ।

फेसबुक मार्फत कमेन्ट गर्नुहोस् ।