सिन्डिकेट कायम राख्न कोटेश्वर पूर्व सवारी बन्द गर्ने चेतावनी

 अावाज स‌‌वाददाता     १६ चैत्र २०७४, शुक्रबार

सहज र सुविधायुक्त सेवा दिन थालेको मयुर यातायातलाई बन्द गराउन कोटेश्वरदेखि पूर्व चल्ने सिण्डिकेटवाला यातायात व्यवसायीले सरकार र कम्पनीलाई धम्की दिन थालेका छन् ।

यही चैत १ गतेबाट सेवा सुरु गरेको मयुर यातायाततर्फ यात्रु आकर्षित भएपछि सिण्डिकेटवाला व्यवसायीले सेवा बन्द गराउने धम्की दिएका हुन् । धम्की दिनेमा कोटेश्वरदेखि पूर्व सेवा दिने १३ यातायात सेवा समिति छन् । त्यसमा बस वा मिनिबस मात्र हाेइन, ट्रक र टिपर व्यसायी समेत सम्मिलित छन् ।

यो समितिले बिहिवार काठमाडौँ, भक्तपुर र काभ्रे जिल्लाका प्रमुख जिल्ला अधिकारीलाई ज्ञापनपत्र बुझाउँदै मयुर यातायातको इजाजत खारेज गर्न माग गरेका हुन् । उनीहरुले मयुरको इजाजत खारेज नभए यातायात सेवा नै ठप्प पार्ने धम्की समेत दिएका छन् । मयुर यातायातले काठमाडौँ बनेपा रुटमा २४ वटा सुविधासम्पन्न नयाँ बसमार्फत सेवा सुरु गरेको छ । ४२ सिटे बसमा निशुल्क वाईफाई सुविधा समेत छ । साथै, यसमा आमाबच्चा सिट समेत छ ।

सिण्डिकेटवाला व्यवसायीले भने मुरलाई कोटेश्वरबाट पूवइ यातायात सञ्चालन गर्न दिएको इजाजतपत्र खारेज नगरिए चैत १८ गतेदेखि ग्रामीण क्षेत्रमा सेवा सञ्चालन नगर्ने धम्की दिएका छन् ।

फेसबुक मार्फत कमेन्ट गर्नुहोस् ।



CDF