कांग्रेसमा पदाधिकारी चयन

 अावाज स‌‌वाददाता     २१ बैशाख २०७५, शुक्रबार

नेपाली कांग्रेसले रिक्त रहेको पदाधिकारी चयन गरेको छ। नेपाली कांग्रेसको निर्वाचित केन्द्रीय कार्यसमितिको आज बसेको बैठकले विमलेन्द्र निधिलाई उपसभापति, पूर्णबहादुर खड्कालाई महामन्त्रीमा र डा प्रकाशशरण महतलाई सहमहामन्त्रीमा बहुमतले चयन गरेको हो।

पदाधिकारी चयन हुँदै गर्दा वरिष्ठ नेता रामचन्द्र पौडेल पक्ष भने असन्तुष्ट छ। बैठकमा रामचन्द्र पौडेल पक्षधरले भने सहभागिता थिएन। सहभागी सदस्यहरुमध्येबाट पदाधिकारी चयन गरिएको हो। ‘एउटा राजनीतिक दलमा कुनै निर्णय सर्वसम्मत रुपमा र कहिले बहुमतबाट निर्णय हुन्छ’, पार्टी प्रवक्ता विश्वप्रकाश शर्माले भने, ‘यसलाई स्वभाविक रुपमा लिनुपर्छ।’

फेसबुक मार्फत कमेन्ट गर्नुहोस् ।



CDF