प्राधिकरण अध्यक्षको जिम्मेवारी कसले पाउला ?

 अावाज स‌‌वाददाता     १५ भाद्र २०७५, शुक्रबार

सञ्चार तथा सुचना प्रविधि मन्त्रालयले नेपाल दुरसञ्चार प्राधिकरणका अध्यक्षका लागि पुर्व सञ्चार सचिव सुशील घिमिरे, पूर्व अध्यक्ष दिगम्बर झा, प्राधिकरणकै बरिष्ठ निर्देशक पुरुषोत्तम खनाललाई सिफारिस गरेको मन्त्रालय स्रोतले जानकारी दिएको छ । सरकारले हटाएका तत्कालीन अध्यक्ष झालाई पुनः अध्यक्षमा ल्याउन सञ्चार तथा सुचना प्रविधि मन्त्री गोकुल प्रसाद बास्कोटाले दिगम्बर झालाई पुनः अध्यक्षमा ल्याउन नियमबिपरित मन्त्रीपरिषदमा उनको नाम मात्रै सिफारिस गरेका थिए । उक्त सिफारिसको विरोध आएपछि मन्त्रालयले अध्यक्ष पदका लागि खुल्ला आवेदन खोलेको थियो । उक्त आवेदनका लागि प्राधिकरणमा कार्यरत ३ जनालगायत अन्य १२ जनाले अध्यक्ष पदका लागि आवेदन दिएका थिए । आवेदकहरुले आवेदन दिएको १ हप्तापछि मन्त्रालयले ३ जनाको नाम सिफारिस गरेको हो ।
यस्तो छ, अध्यक्ष नियुक्तिको व्यवस्था
प्राधिकरणमा दूरसञ्चार सेवासँग सम्बन्धित प्राविधिक र प्रशासनिक बजार व्यवस्थापन, लेखा, कानुनी क्षेत्रमा तोकिएको योग्यता र अनुभव भएका अध्यक्षसहित पाँचजना सदस्यहरू रहने व्यवस्था छ । अध्यक्ष नियुक्तिको सिफारिस गर्न सरकारले सम्बद्ध क्षेत्रका विज्ञहरू रहेको एक समिति गठन गर्नुपर्ने हुन्छ । समितिले सो पदका लागि दरखास्त आह्वान गर्ने र आवेदकहरूमध्ये तीनजनालाई अध्यक्षमा नियुक्तिका लागि मन्त्रिपरिषद्मा सिफारिस गर्ने गरिएको छ । उक्त समितिको सिफारिसकै आधारमा सरकारले अध्यक्षको नियुक्ति गर्ने गरिएको छ ।

कसको संभावना अधिक ?

शुसिल घिमिरे
नेपाल सरकारका पूर्व सचिव शुसिल घिमिरे यसअघि संचार मन्त्रालयमै सचिवको अनुभव लिईसकेका व्यक्ति हुन् । उनी हाल पारिवारिक माहौलमा नै व्यस्त रहेकोमा उनी पनि अध्यक्ष पदको दाबी गर्न आएका हुन् । पुर्व सचिव घिमिरे सम्भवत सबैभन्दा लामो समय सञ्चार मन्त्रालयमा उच्च ओहोदामा रहने कर्मचारी हुन् । उनले सञ्चार मन्त्रालयमा ५ बर्ष सह सचिव र ३ बर्ष सचिवको जिम्मेवारी निर्वाह गरिसकेका छन् । मन्त्रालयमा रहदा दुरसञ्चार नीति निर्माणको क्रममा संयोजकको भुमिका निर्वाह गरेका छन् ।
पुरुषोत्तम खनाल

पुरुषोत्तम खनाल

त्यस्तै सिफारिस भएका पुरुषोत्तम खनाल हाल वरिष्ठ निर्देशकको रुपमा प्राधिकरणमा नै कार्यरत छन् । उनी मन्त्रि बाँस्कोटासँग समदुरीमा रहेर सम्बन्ध कायम गर्ने व्यक्तिको रुपमा प्राधिकरण भित्र परिचित छन् ।
दिगम्बर झा
सिफारिसमा परेका दिगम्बर झा यसअघि पनि प्राधिकरणमा अध्यक्ष भई दुई कार्यकाल बिताएका थिए । दोस्रो कार्यकालमा कार्यरत रहँदा वर्तमान सरकारले राजनीतिक नियुक्ति भएको भन्दै उनलाई पनि पदमुक्त गरेको थियो । यसअघिको सरकारले उनको कार्यकाल थप गर्दा विवादमा मुछिएका झा यो सरकारले पदमुक्त गरेको हो । उनले पदमुक्त गरेको भन्दै सर्वोच्च अदालतमा मुद्धा दायर गरेर अन्तरिम आदेश जारी गराएपनि पछि मुद्धा फिर्ता लिएका थिए । झा यसअघि नेपाल आयल निगममा पनि प्रबन्ध निर्देशक भईसकेका व्यक्ति हुन् । पूर्व अध्यक्ष झालाई मन्त्रि बास्कोटाद्धारा यसअघि पनि नियुक्ति गर्ने पटक पटक प्रयास भएको थियो ।

फेसबुक मार्फत कमेन्ट गर्नुहोस् ।



CDF